ها يمه نروح الحين؟؟؟

[همس المطر]

ها يمة نروح الحين؟؟؟

في وحده راحت للعمره واهي تصلي بالحرم وتشوف حرمه اللي تصلي وتبكي
تصلي وتبكي وتدعي وتبكي
المراة استغربت منها وقالت اكيد لها سالفه وكان كل مابين فتره يجيها ولد شاب يكلمها ويروح ويشوف شنو تبي
المراه اخذها الفضول واجلست بجانبها واسالتها ليش تبكين عسا ماشر
فردت وقالت لها والله من العذاب اللي فيني
وليش؟ ايش سالفتك؟؟!!
قالتلها اقولك قصتي وبعدين احكمي
كنت متزوجه من زوج ونعم الازواج يحبني ويحترمني ويعزني

بس كان فيني عيب اني ما اجيب اعيال وانا حاولت بس الله مارزقني فاأقترحت عليه انه يتزوج ثانيه هو مارضى بس انا ظليت احن وازن الين وافق

فدورتله على امراه وخطبتها له وتم الزواج بس بعد ما تزوجها شبت نار الغيره بقلبي لانه اخذ يميل لها وماصار فتره الا والمراه حامل زادت غيرتي المهم

جابت له ولد الزوج استانس وفرح وجلست انا افكر بنفسي شلون انا اللي اقترحت عليه
في يوم جاني زوجي وقالي بسافر مع زوجتي الثانيه

وبنترك الولد عندك
ووافقت طبعا لانه مافي احد يمسك الولد غيري
سافروا وتركو الولد عندي وكان الوقت شتا وكنت مولعه نار في المنقله(فحم)
والولد عمره تقريبا بين السنه وكم شهر وهو يلعب

ويطامر قدامي
وانا بقلبي نار تشتعل مثل الجمر كيف ياخذها ويسافر ولا !!ويترك الولد عندي الخ من هالكلام وفجاه الا الولد يمد ايده بيلعب بالفحم ومن ناري وغيرتي مسكت ايديه وحطيتها اكثر بالفحم اللين ذابت ايده وهنى شلتها بعدها مايحتاج اقولك كيف صارت يد الولد
وهنى حسيت ان ناري طفت اشوي نمنا ذيك الليله الا ويجينا خبر وفاة زوجي مع زوجته وهم في طريق العوده بحادث

وصرت لحالي عايشه مالي احد غير ربي ومن ثم هالولد اللي تشوفينه وصار اكثر من ولدي واعز ويدور راحتي ويرعاني ومالي ظل غيره
وهو اللي يشوف طلباتي وطلبات البيت ومو مقصر معاي بشي

بس انا كل ماشفت يده يتقطع قلبي على اللي سويته فيه وهو ينادي بيمه بس لحد الان ماقلتله اني انا اللي شوهت يده
ولازلت اعاني من العذاب وتانيب الضمير وادعي ربي يغفرلي ذنبي

سبحان الله شوفي شلون حكمة ربك انه صار هالولد خير لي ولولا الله ثم هالولد كان انا حالتي حاله
ويرد يجيها الولد وهو مخبي يده ويحب راسها ويسالها ها يمة نروح الحين؟؟؟

وعسى ان تكرهوا شيئا وهو خير لكم

منقوووووووووول

 

 

 

 

 

 

 

 

 

 

 

 

 

 

 

 

[امة الرحمن]

جزاك الله كل خير


سبحـــــــــــــان الله / ربي كتب لــ زوجهاا يتزوج عليهاا عشاان الولد يكون لهاا سند من بعده صج ماا ندري وين الله كاتب لنا الخير
قال تعالى :
{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}

همـــس المطـــــر
مشكوره حبيبتي على القصه...قصة تؤخذ منهاا العبره
بإنتظاار جديدج بكل شوق

 

 

 

 

 

 

 

 

 

 

 

 

 

 

 

 

[~~~ موووج ~~~]

قصة مؤثرة
و الحمد لله على ندمها و توبتها
ـــــــــــــــــــــــــــــــــــ
يعطيك العافية همس المطر

 

 

 

 

 

 

 

 

 

 

 

 

 

 

 

 

[همس المطر]

مشكورين
على مروركم الرائع

 

 

 

 

 

 

 

 

 

 

 

 

 

 

 

 

[روعة]

 

 

 

 

 

 

 

 

 

 

 

 

 

 

 

 

[عربجيه مجروحه]

قصه مؤثره جدا
يعطيك العافيه ع الطرح المميز

 

 

 

 

 

 

 

 

 

 

 

 

 

 

 

 

[نادووو]

:

:


تسلمي يا عسل

ولو انها قصة تعور القلب

يعطيك ألف عافية



:

:




نادووووووووو